Meta di Asuntunan Publiko i Libertat Religioso ta primeramente pa soru ku e derechi ku Dios a duna humanidat di libertat religioso por bira un realidat universal. Su otro meta ta pa presenta Iglesia Adventista Di Shete Dia na e lidernan di e pais i otro kuerponan gubernamental.
Direktor: Ps Shurman Kook

E Departamento di Majordomia a ser krea pa juda e miembronan pa nan ta majordomonan (administradornan) efisiente, i kolaborado den aplikashon di e plan divino di duna sistematikamente na e iglesia.
(MI p. 167)
Direktor: Josue Luis

E ophetivo major di Ministerio Familiar ta pa fortalese e famia komo sentro di disipulado. E famia a wordu establese pa medio di e kreashon divino komo e base fundamental di humanidat. Ta e ambiente basiko den kual e balornan ta wordu siña i e kapasidat pa forma un relashon ku Dios i ku otro sernan humano ta wordu desaroja.
Direktor: Shiraldin Kook

E Departamento di Ministerio di hende Muhe ta eksisti pa eleva, anima i stimula e damanan adventista den nan kaminda diario komo disipelnan di Hesukristu i komo miembro di e iglesia mundial. E mishon di e Departamento di Ministerio di hende Muhe ta, den un sentido amplio, meskos ku tur kristiannan: Halsa Kristu den e iglesia i den e mundu.

Iglesia ta asepta su reponsabilidat di revela Kristu na e mundu i ta kere ku esaki ta inklui e obligashon moral di preserva e dignidad di e ser humano dor di trata na alkansa nivelnan optimo di salu fisiko, mental i spiritual. Pesei, mes e ta asumi e liderasgo den e tarea di promove salu optimo pa medio di un bida sin tabaku, sin alkohol of otro droganan i liber di alimentonan ku Beibel ta konsidera impuru.

E proposito fundamental di ministerio hubenil di e iglesia ta salbashon di e hobennan pa medio di Hesikristu. Nos ta kompronde ku e Departamento di Hobennan ta un parti di e obra di e iglesia hiba dor, ku i pa e hobennan.

Meta di departamentu di Komunikashon ta pa krea un imagen faborabel di iglesia, su mishon, bida, testifikashon i aktividatnan relashoná dor di hasi uso di e maneranan mas efektivo di komunikashon.

E Departamento di ministerio Infantil ta eksisti ku e fin di stimula e kresementu di e fe di e muchanan for di nan nasementu ta ku nan edat di 14 aña, manteniendonan den komunion ku e iglesia. E ta hasi esaki dor di trata na fomenta diferente aktividatnan ku ta hiba e muchanan na Hesus i ta komberti nan den su disipulonan den nan forma di biba diario.

E Departamento di ministerio Personal ta soru pa material i kapasitashon di e miembronan di e iglesia pa nan por uni ku e Pastor i e dirigentenan den proklamashon final di e evangelio di salbashon den Kristu. E ophetivo di e departamento aki ta pa kompromete tur e miembronan den e servisio aktivo di gana almanan pa Señor.

E Departamento di Ministerio di Publikashon a wordu organisa pa kordina i promove evangelismo pa medio di publikashonnan den e iglesianan lokal bou di supervishon di e Hunta Direktiva di e Departamento di Ministerio di Publikashon.
Direktor: Ps Osvaldo Cabrera

E mishon di SIEMA ta krea den e kasa di e pastornan un pashon pa servisio dor di motiva nan pa nan ta prepara spiritual, fisika, mental y sosialmente, pa por eherse un influensia positivo den nan famia, iglesianan i komunidatnan ku e fin di kondusi e homber, muhernan i muchanan na e pia di Hesus.
Direktora: Shiraldin Kook