1-2 Novèmbér, 2010 - Tormenta tropikal Tomas
Hopi ta e trabounan ku nos ta hasi komo iglesia den nos komunidatnan. Pero tin momentunan ku nos tambe ta bira viktima di situashonnan ku nos no tin kotrol di dje. Tormenta tropikal Tomas a laga basta daño atras na e parti mei mei i pariba di Korsou. Un di e institushonan ku a sufri hopi bou di esaki ta nos Advent Hospital. Nos ta pidi judansa di tur pa duna un man, i hopi orashon. Nos ta keda konfia ku e Dios di shelu lo hiba tur esaki na bon manera ta su promesa den Romanonan 8:28.
Resumen Fotografiko

26, 27 Novèmber, 2010 - Youth Rally
Tremendo tabata e apertura di e Youth Rally "Never give up, never give in" organisá pa iglesia di Muizenberg. Programa ku a tuma lugá den e edifisio di iglesia di New Song. Dos dia di selebrashon spiritual pa e hobennan. E tabata un bendishon sigur pa tur esnan ku a partisipa. Nos ta kere ku e mensahe a jega bon kla, ku Hesus nunka give up ni give in.
Resumen Fotografiko

18 Sèptèmber, 2010 - Dia di Patfender
Manera tur aña den e luna di Sèptèmber nos iglesia Mundialmente ta selebra dia di Patfender, e aña aki tambe nos a selebra den grandi.
Atardi tabatin un tremendo programa di investidura ku marchamentu i drumband ku a kulmina den stadion Ergilio Hato (SDK). Un Pabien na tur Patfender i nan lidernan ku a traha duru pa nan por a investi.
Resumen Fotografiko

15-17 Oktobèr, 2010 - Kongreso pa Mucha
Durante e fin di siman aki, Ministerio di mucha a organisá un tremendo Kongreso pa Mucha titulá: "Mi ta disipel di Hesus". Esaki a tuma luga den Auditorio di International School i e apertura a tuma luga na Iglesia di Mundu Nobo. E programa tabata unu kolorido ku hopi musika, informashon, eksposishon i hopi mas. Nos sa ku nos muchanan a sali bon alimentá komo disipelnan fiel di Hesus. Bendishon na tur esnan ku a hasi e programa aki bira un eksito.
Resumen Fotografiko

07 Ougustus, 2010 - Selebrashon 100 Aña Union Venezolana Antillana i Aruba
Riba e fecha aki Union Venezolana-Antillana i Aruba a selebra 100 aña di e mensahe Adventista den e teritorio aki. Pa e okashon aki huntu ku presidente di nos Divishon ps Israel Leito nos tabatin tambe presente presidente di iglesia mundial ps Ted Wilson. Mas di 20 mil rumanan a reuni pa e selebrashon aki. Dios sigui derama Su bendishon riba e Union aki manera El a bini ta hasi'e pa 100 aña kaba.
Resumen Fotografiko

04 September 2010 Kampaña Evangelistiko
Ps Ramirez Janzen a clausura un kampaña evangelistiko mas den e bario di Mahuma. Durante tres siman ela predika na e habitantenan di e bario en kuestion i besindario. Nos a selebra un bunita bautismo ku e almanan ku a entrega nan bida na Señor. Dios bendishona tur esnan ku a entrega nan bida i duna Ps Janzen forsa den e trabounan.
Resumen Fotografiko